2.9.13

Հայաստանի Գրողներու Միութեան նախագահ Լեւոն Անանեան ոչ եւս է

Այսօր՝ Սեպտեմբեր 2ին, իր մահկանացուն կնքած է Հայաստանի Գրողների Միության նախագահ Լեւոն Անանյանը։ Ըստ տեղեկութիւններու, մահուան պատճառը թոքերու քաղցկեղն էր։
Լեւոն Անանեան ծնած էր Հոկտեմբեր 13, 1946ին, Տաւուշի մարզի Կողբ գիւղին մէջ։ 1964ին աւարտած էր Կողբի միջնակարգ դպրոցը, իսկ 1968ին՝  Երեւանի պետական համալսարանի բանասիրական ճիւղը։
Աշխատած է շարք մը պարբերականներու մէջ եւ միաժամանակ խմբագրած «Մանկավարժ» թերթը։ 1975ին աշխատանքի անցած է «Գարուն» գրական ամսագրի խմբագրութեան մէջ, որուն գլխաւոր խմբագիրը ընտրուած է 1990ին։
1992ին հիմնադրած է «Ապոլոն» հրատարակչութիւնը, որ առաջին անգամ բնագրէն թարգմանութեամբ հայ ընթերցողներուն ներկայացուցած է համաշխարհային գրականութեան շարք մը ստեղծագործություններ։ 2001ին ընտրուած էր Հայաստանի գրողների միության նախագահ, զոր կը նախագահէր մինչեւ օրս։ Կը դասախօսէր Երեւանի պետական համալսարանի լրագրութեան ճիւղին մէջ։  «Նոյեմբերեան» հասարակական կազմակերպութեան ղեկավարն էր 2002 թուականէն։ Գրած, կազմած եւ խմբագրած էր բազմաթիվ գրքեր, հարիւրաւոր հրապարակախօսական յօդուածներ եւ յառաջաբաններ։
Մայիս 26, 2008ին ստացած էր Հայաստանի Հանրապետութեան մշակոյթի վաստակաւոր գործիչի պատուաւոր կոչումը։

No comments:

Post a Comment